Хъæугæ мадзал

Уæлахизы бæрæгбоны кадæн Цæгат Ирыстоны сарæзтой «Энергия Победы и созидания», зæгъгæ, акци. Йæ аразджытæ сты «Цæгаткавказэнерго»-йы бархион энергетикты цæдисы уæнгтæ. Акцийы фæлгæты уыдон базылдысты, немыцаг æрдонгты ныхмæ чи хæцыд, Фыдыбæстæйы Стыр хæсты уыцы хъæбатырты цыртдзæвæнтæм. Бархион энергетиктæ Алагиры бафснайдтой Баситы Чабæханы ингæн. Æрыгон ахуыргæнæджы фашисттæ амардтой, немыцæгтимæ кусын кæй не сразы, уый тыххæй. Æрыдоны районы бархионтæ та базылдысты намысы къулмæ. Сарæзтой йæ, хæсты рæстæг бронепоездыл чи куыста, уыдоны хъæбатырдзинады номыл. Немыцаг фашистты ныхмæ ам цыд карз тохтæ. Энергетиктæ быронæй бафснайдтой цыртдзæвæны алфамблай. Ссыгъдæг сæ кодтой хæмпæлгæрдæгæй, ныккарстой къудзитæ, сахуырстой цыртдзæвæны алыварс быру. Фыдыбæстæйы Стыр хæсты рæстæг хъæбатырдзинад чи равдыста, уыдоны хъуыды кæнын æмæ сын кад кæнын у нæ алкæйы хæс дæр - зæгъынц «Цæгаткавказэнерго»-йы специалисттæ. Сæ ныхæстæм гæсгæ, ахæм акцитæ араздзысты æрвылаз дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv