Цæрджыты æнцондзинадæн

Цæгат Ирыстоны цæрджытæй йæ хæдзармæ хæстæг фæндаг æрыхгæнын кæй бахъæуа, уыдонæн бардæттæг гæххæттытæ райсын æнцондæр уыдзæн — хъусын кæнынц Дзæуджыхъæуы администрацийæ. Специалистты ныхæстæм гæсгæ ныр гæххæтт рафыссынæн 15 минутæй фылдæр нæ бахъæудзæн. Раздæр иу адæймаджы хъуыд Дзæуджыхъæуы администрацийы сæргълæууæгмæ æмæ йæ хæдивæгмæ курдиат ныффыссын, стæй транспорт æмæ фæндаггты арæзтады управленийы хицауæй бар райсын. Ныр бардæттæг гæххæттытæ дæтдзысты управленийы. Ахæм фадат фæзындзæн проект «Бережливое Правительство»-йы руаджы. Уымæй уæлдай ма, Дзæуджыхъæуы администрацийы фæнд кæнынц иннæ лæггæдты фæткæвæрд фенцондæр кæнын. Се схæн — аразынæн æмæ уæй кæнынæн бардæттæг гæххæттытæ райсынæн. «Цæмæй ахæм бардæттæг гæххæт райстаид адæймаг, уый тыххæй йæ бирæ рацу-бацу кæнын хъуыд. Ахъуыды кодтам, æмæ уынаффæ рахастам уыцы фæткæфæрд фенцондæр кæнын. Ныр æй хъæудзæн æрмæстдæр траспорты разамындмæ æрбацæуын æмæ 15 минутмæ гæххæт уыдзæн цæттæ», — Дзæуджыхъæуы Администрацийы информатизацийы хайады сæрдар Бериаты Сослан. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv