Æдасдзинады тыххæй

Фыдыбæстæ хъахъхъæныны бон, 8-æм мартъийы бæрæгбон æмæ боксæй Европæйы чемпионаты æдасдзинад. Ацы æмæ æндæр ахсджиаг фарстатыл дзырдтой антитеррористон къамисы уæнгтæ. Сæрдариуæг дзы кодта Битарты Вячеслав. Æмбырды архайдтой Цæгат Ирыстоны Оперативон штабы уæнгтæ дæр. Хъуыддагмæ бар чи дары, уыцы кусæндæтты разамонджытæ бæстонæй радзырдтой сæрмагонд куысты тыххæй. Сæ сæйраг хæс - теракттæ æмæ æндæр фыдракæндтæ уыцы бонты ма руадзын. Уæлдай цæстдард уыдзæн боксæй турниры æдасдзинады домæнтæм. «Адæймаджы цардæй зынаргъдæр ницы ис, æмæ нæ фыццаг хæс у адæмы æдасдзинадæн алы мадзал дæр саразын. Æмбæлгæ службæты та хъæуы къæрцхъусдæр уæвын», - загъта Битарты Вячеслав. Барадхъахъхъæнджытæ профилактикон-информацион мадзæлтты тыххæй хъуамæ фехъусын кæной республикæйы цæрджытæн. Битарты Вячеслав бæрнон кусджытæн бафæдзæхста республикæйы цæрджытæм æнгомдæр уæвын. Рæмудзæн æрмæг æмæ хæцæнгарзы æнæзакъон зилдухмæ та хъæуы сæрмагонд цæстæнгас дарын. Æдæппæтæй æмбырды ныхас кодтой 5 фарстайыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv