Æрыгон пъæлицæйæгты æххуысгæнджыты къорд фæзынд Æрыдоны районы

Æрыгон пъæлицæйæгты æххуысгæнджыты къорд фæзынд Æрыдоны районы. Йæ архайджытæ сты Æрыдоны 1-аг скъолайы ахуырдзаутæ. Ныр сæм ис «Æрыгон пъæлицæйы æххуысгæнæджы» æвдисæндартæ. Йæхи æнтыстджынæй дарддæр куысты чи æвдиса, уыдоны хорзæхджын кæндзысты кады гæххæттытæй æмæ арфæйы фыстæджытæй. Фидæны сæм бирæ цымыдисаг мадзæлттæ æнхъæлмæ кæсы - пъæлицæйы кусджытимæ æмæ барадхъахъхъæнджыты оргæнты ветерантимæ фембæлдтытæ. Сараздзысты сын ерыстæ, хъæзтытæ æмæ æркæстытæ дæр. Бæрæг кæндзысты музейтæ æмæ номарæн бынæттæ. Бæлвырддæр хабæрттæ радзурдзæн Уазиты Зæлинæ. Æрыгон пъæлицæйæгты къорды уæнгтæ хистæр къласы ахуырдзаутæ свæййынц кадджын уавæры. Фыццаджыдæр бахæрынц ард - инспектортæн æмæ районы цæрджытæн зæрдææргъæвдæй кæй æххуыс кæндзысты. Æрыгон пъæлицæйæгты сæйраг хæс- се `мгæрттимæ профилактикон ныхас кæнын. Уыимæ ма алыхуызон хъуыддæгтыл. Æхсæнадон бынæтты хи куыд дарын хъæуы, хи æмæ бинонты цæстфæлдахджытæ æмæ фыдгæнджытæй куыд бахъахъхъæнæн ис. Къорды уæнг суæвын алкæмæндæр йæ бон у. Уый тыххæй хъуамæ ахуыр кæнай хорз бæрæггæнæнтыл, уай сæрæн æмæ уарзай рæстдзинад. Бирæ лæппутæн æмæ чызытæн ам уæвын сæ бæллицмæ фыццаг къахдзæв у. Фæнды мæ фыд æмæ мæ фыды фыды къахвæдтыл ацæуын. Уыдон дæр пъæлицæйæгтæ уыдысты. Ныр мæнæн дæр ахæм фадат фæзынд. Фæнды мæ профилон скъоламæ бацæуын. Ныр уал ацы дæсныйады сусæгдзинæдтæ хуыздæр базондзынæн. Къорд сæвзæрд Æрыдоны фыццæгæм скъолайы районы мидхъуыддæгты министрады хайады хъæппæрисæй. Ахæм проекты райрæзтыл кусынц фыццаг хатт. Хистæр къласы ахуырдзаутæ сæ куыстмæ бæстонæй бацыдысты. Сæ размæ сын цы хæслæвæрдтæ æвæрынц уыдон æнтыстджынæй æххæст кæнынц. Уæдæ сæхæдæг дæр мадзæлттæм цавæрдæр ногдзинæдтæ баххæсынц. Ацы къорды сæйраг нысан- ахуыргæнæндæтты æнахъом сывæллæтты хсæн фыдракæндты ныхмæ профилактикон мадзæлттæ апарахат кæнын. Ацы къорды архайынц ахуыры сæхи хорз чи æвдисы уыцы скъоладзаутæ. Уарзынц спорты хуызты архайын. Се хсæн ахæм сывæллæттæ дæр ис æмæ æппæтуæрæсеон æмæ республикон олимпиадæты чи архайдта. Нæ районы ис 12 скъолайы. Фидæны фæнд кæнæм ахæм къордтæ алы ахуыргæнæндоны дæр байгом кæнын. Пъæлицæйы æрыгон æхууысгæнджыты къорд ныридæгæн сæхи æнтыстджынæй равыстой. Скъолайы æмæ йæ алфамбылай кæсынц æдасдзинамæ. Кæстæртæ Хистæркъласонтæм хъусынц. Уыимæ ма сæ фæзмынц. Сывæллæттæ ахуыртæ цæуынц куыд лекцитæ, афтæ практикæйы хуызы дæр. Пъæлицæйы æрыгон хæлæрттæ Æрыдоны фæзындысты мæй размæ. Ныртæккæ бархионтæ сты 10. Фæлæ къорды уæнг суæвын кæй фæнды, уыдоны нымæц æрвылбон рæзы. Сæ ахуыргæнджытæ сты пъæлицæйæгтæ. Уыдон сывæллæтты разæнгард кæнынц спорты архайынмæ. Цæмæй сæ æнæниздзинад хъæддыхдæр кæна. Пъæлицæйгты сæйраг хæс фылдæр æрыгон адæмы æрбамгом кæнын. Гæнæн ис æмæ фидæны сеппæтдæр пъæлицæйæгтæ не суыдзысты. Фæлæ абон къорды уæнгтæй алчидæр архайы æхсæнадæн пайда уæвын. Уыимæ ма нæ республикæйæн Фæзминаг гуырд суæвын. Уазиты Зæлинæ. Брытъиаты Феликс _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv