«Кинофестиваль æнæ арæнтæй»

Ахæм номимæ кинофестиваль национ наукон чиныгдоны арæзт æрцыд йе ˈнæниздзинад хъыгдард кæмæн у, уыдонæн. Форум Мæскуыйы ацæуы дыууæ азæй дыууæ азмæ, Дзæуджыхъæуы та йæ байгом кодтой фыццаг хатт. Йæ саразæг Маринæ Зафириду куыд зæгъы, афтæмæй сæ фестивалы фæрцы фæнды сахъат адæймæгты авналæнтæ фæуæрæхдæр кæнын, сæ бон æнæ цæлхдуртæй цæрын кæй у, уый сын равдисын. Уазджытæн равдыстой уæрæсейаг, израилаг, америкаг æмæ австралиаг режиссерты куыстытæ. Цæмæй фестиваль нæ республикæйы ацæуа, ууыл бацархайдтой Цæгат Ирыстоны паддзахадон университеты кусджытæ æмæ йе ˈнæниздзинад хъыгдард кæмæн у, уыцы сывæллæтты ныййарджыты æхсæнадон организаци «Выбор». _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv