Уæрæсейы хицауад баххуыс кæндзæн фармацевтон æмæ медицинон промышленносты куыстуæттæн

Уæрæсейы хицауад баххуыс кæндзæн фармацевтон æмæ медицинон къабазы егъау куыстуæттæн. Уыдонæй уæлдай, афтектæ хъæугæ хостæй чи ифтонг кæны, уыцы дистрибьютортæн дæр. Уый тыххæй фехъусын кодта премьер Михаил Мишустин. Йæ ныхæстæм гæсгæ, санкциты аххосæй логистикон бастдзинæдтæ,  гӕнӕн ис,  æмæ фæкъуылымпы уой. Уый хынцгæйæ, хъæуы ахӕм уавӕр ма 'руадзыны фæдыл бӕлвырд мадзæлттæ аразын, цæмæй адæмæн фадат уа хостæ балхæнынӕн. Фыццаджыдæр, хицауад æххуыс кæны, хи продукцийы куыст чи кæны, уыцы компанитæн. Сæ бон уыдзæн кредит 1% ставкæимæ  райсын. Банктæн та паддзахад баххæст кæндзæн æхцайы фæрæзтæй 2% онг. Цавæрдæр аххосæгтæм гæсгæ компанийæн йæ хæстæ æххæст кæнын йæ бон куы нал уа, уæд фæрæзтæ райсæн уыдзæн банкæй. Мишустин ма куыд фæнысан кодта, афтæмæй препаратты регистрацийы фæтк æмæ æмгъуыд фæрогдæр кæндзысты. _________________________ Мы рядом в: vk.com/irystontv ok.ru/irystontv youtube.com/irystontv zen.yandex.ru/irystontv t.me/irystontv