Æнæмæлгæ полчы цыд скъола Интеллекты

Прогимнази "Интеллект"-ы дæлхайады абон уыд Уæлахизы бонимæ баст Æнæмæлгæ полчы цыд. Хайадыл цæуы æртæ азы. Ам бæрзонд æвæрд у патриотон хъомылад. Сабитæ сæ ахуыргæнджытимæ бæрæгбоны агъоммæ бацæттæ кæнынц алыхуызон мадзæлттæ. Кæронбæттæнны æрæмбырд вæййынц, æмæ балæууынц æнæмæлгæ полчы рæнхъыты. Ацы хатт Интеллекты хайады хъомылгæнинæгтæ бацæттæ кодтой хæстон поэтты æмдзæвгæтæ. Æхсызгон уый у, æмæ дзырдтой аив рæнхъытæй нывæст хъуыдытæ куыд уырыссаг æвзагыл, афтæ иронау дæр. Уæдæ цавæр бæрæгбон хъуамæ уа æнæ кафт æмæ зардæй. Мадзал уымæй дæр уыд æххæст. Зæгъын хъæуы уый, æмæ ацы бæрæгбонмæ зæрдиагæй цæттæ кодтой куыд сабитæ, афтæ ныййарджытæ æмæ хъомылгæнджытæ дæр. Кæронбæттæны сывæллæттæ сæ хæстон хъæбатырты хуызистытимæ Æнæмæлгæ полчы рæнхъыты æрзылдысты уагдоны алыварс. Мадзалæн ис стыр ахадындзинад. Цæгат Ирыстон у бирæ адæмы хæттытæ кæм цæры ахæм республикæ. Фенæн дзы уыдис хуызистытæ алыхуызон мыггæгтимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv