«Цæгат Кавказ-2022» форумы архайы Цæгат Ирыстоны делегаци

«Цæгат Кавказ-2022» форум кæронмæ æрхæццæ. Ныхас цыд санкциты рæстæг экономикæ фæфидардæр кæнынæны мадзæлттыл. Форумæн разамынд лæвæрдта Цæгат Кавказы федералон зылды Уæрæсейы Президенты æххæстбарджын минæвар Юрий Чайка. Цæгат Ирыстоны минæвæрттæн разамынд лæвæрдта республикæйы хицауады сæрдар Дзанайты Барис. Видеобастдзинады руаджы æмбырды архайджытæм фæсидт бæстæйы экономикон райрæзты министр Максим Решетников. Куыд фæнысан кодта, афтæмæй Цæгат Кавказы федералон зылды субъекттæ сты хъомысджын алы къабæзты æнтыстджынæй архайынмæ. Санкциты рæстæг промышленнон кондады индексыл фарон бафтыд 5,5%, хъæууон хæдзарады продукцийыл 12%. Карантины мадзæлттæ куы систой, уæд хуыздæр бæрæггæнæнтæ æвдисын райдыдтой базарадон æмæ лæггæдтæ дæттыны къабæзтæ. Санкциты фæстиуджытимæ кусынц Цæгат Ирыстоны дæр. Цы хуызы, уый тыххæй радзырдта Дзанайты Барис. Иуварсгонд цæуынц, экономикæйы размæ цы цæлхдуртæ æвæрд ис, уыдон. Фылдæр æргом здæхт цæуы базарадон, арæзтадон, бюджетон æмæ социалон къабæзтæм. Æрвылкъуыри уый тыххæй бæстонæй æрдзурынц оперативон штабы уæнгтæ. Ацы аз 250 милуаны рахай кодтой промышленносты рæзты регионалон фондæн. Куыстуæттæн фадат ис 1-3 процентыл æхца хаццоны райсын. Фæрæзтæ дæттынц 5 азы æмгъуыдмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv