Ахуыргæндтæ сбæрæг кодтой скифтæ æмæ Алтайы цæрæг адæмыхæттыты генетикон хæстæгдзинад

Ахуыргæндтæ сразы сты скифтæ æмæ, незаманты Алтайы чи цард, уыцы адæмыхæттыты генетикон хуызы хæстæгдзинадыл. Иртæстытæ сарæзтой, Алтайы алы рæстæг цы адæмтæ цард, уыдоны ДНК-йæн. Уæрæсе, Украинæ æмæ Эстонийы ахуыргæндты хъуыдымæ гæсгæ, скифаг культурæ дыууæ мин азы размæ апарахат Алтайæ суанг Сау Денджызы былмæ. Уый тыххæй ТАСС-æн фехъусын кодта Цитологи æмæ Генетикæйы институты, молекулярон палеогенетикæ æмæ палеогеномикæйы лабораторийы разамонæг Александр Пилипенко. Æдæппæтæй раиртæстæй Евразиаг тыгъд быдыры 31 цæрæджы геном. Ног иртæстытæ равдыстой, скифæгтæ Сау денджызмæ цæрæг адæмыхæттыты æддаг бакастыл генетикон æгъдауæй кæй фæбæрæг сты, уый. Ахуыргæндтæн разамынд лæвæрдта Тартусы университеты профессор Ричард Вилемс. Иртæстыты хатдзæгтæ ныммыхуыр кодтой хъуыстгонд журналты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv