1-æм декабры йæ тыхы бацæудзæн коронавирусæй чи сдзæбæх, уыцы рынчынты реабилитацийы программæ

1-æм декабры Цæгат Ирыстоны йæ тыхы бацæудзæн коронавирусæй чи сдзæбæх, уыцы рынчынты реабилитацийы программæ. Се 'нæниздзинад фæхъæддых кæныны фадат пациенттæн уыдзæн республикæйы санаториты. Уый тыххæй хъусын кæны республикæйы сæргълæууæджы пресс-службæ. Цæгат Ирыстоны фæллой æмæ социалон райрæзты министрад ацы азы кæронмæ радих кæндзæн 220 путевкæйы цæрджытæн. Уыдон 12 боны дæргъы дзæбæхгæнæн процедурæтæ цæудзысты санаторитæ «Ирыстон» æмæ «Нæзыхъæды къохы». Путевкæты дæтдзысты фидæны аз дæр. Радмæ гæсгæ. Уæ зæрдыл уын æрлæууын кæндзыстæм, ковиды фæстæ реабилитаци Цæгат Ирыстоны цæрджытæн снысан кæнын бабар кодта республикæйы сæргълæууæг Сергей Меняйло. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv