Æнæ химион буаргъæдтæй

Хъæууон хæдзарадон темæйы дарддæры цымыдисаг хъусынгæнинаг. Аграрон университеты проректор Хъæбæлоты Таймураз æрхъуыды кодта, бæлæстæ зианхæссæг сасчъытæй куыд бахъхъахъхъæнæн ис, уый. Уæдæ афтæ. Гæдыбæласы къалиутæ æмæ йын йæ сыфтæ ныммур кæны, хихтæ сыл бафтауы, дон æмæ сыл æндæр хъацæнтæ ныккæны æмæ уыцы змæст цалдæр боны ныууадзы. Уый фæстæ дзы бæлæстæ æмæ зайæгойтæ бапырх кæны. Хъæбæлоты Таймуразы ныхæстæм гæсгæ, йæ фыдæлтæ дæр афтæмæй хъахъхæдтой сæ тыллæг æмæ дыргъ бæлæстæ. Зæххы куысты кафедрæйы профессор Беккуызарты Сарæ дæр йемæ разы у. Куыд зæгъы, афтæмæй хъæуты арæхдæр ахæм змæстæй пайда кодтой. Уыимæ æрмæст зайæгойтæн пайда нæу, фæлæ ма уæлдæфыл дæр хуыздæрырдæм ахады. Хæххон аграрон университеты зæххы куыст æмæ зайæгойты кафедрæйы профессор Беккуызарты Саррæ: «Зианхæссæг сасчъытæ тынг дардмæ тæхынц æмæ бæлæстæ сафынц. Цæмæй мацы знаггад хæссой, уый тыххæй зайæгойтæм рагацау базилын фæхъæуы. Уыимæ, куыд хъæуты, афтæ горæтты дæр. Ацы мадзалæй хуыздæр æмæ æнцондæр та ма цы уа. Мæнмæ гæсгæ, зын нæ уыдзæн йе сцæттæ кæнын æмæ дзы горæты цъæх фæлыст, хъæухæдзарадон æмæ иннæ зайæгойтæ, алыхуызон кæрдæджытæ бапырх кæнын». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv