Нæхæдæг равзарæм

Дзæуджыхъæуы цæрджытæ сæхæдæг равзардзысты, базилын кæмæ хъæуы, уыцы бынæттæ. Цæгат Ирыстоны хъæлæс кæнынц, рацаразын кæцы бæстыхæйттæ хъæуы, уыдоны проекттыл. Хъæлæстæ æмбырдгæнæн асыччытæй иу сæвæрдтой трамвайы. Бæлцæттæн сæ бон у, номхыгъдмæ цы объекттæ бахастой, уыдонимæ базонгæ уæвын æмæ дзы, сæ хъуыдымæ гæсгæ цалцæггæнинаг кæцы у, уый равзарын. Дзæуджыхъæуы базилинаг бынæттæ æдæппæтæй баисты фондз. Уыдон сты горæты Сæйраг æмæ Жуковскийы номыл парктæ, Терчы былгæрæттæ, Бутырины æмæ Маяковскийы уынгты хæйттæ. Хъæлæс ма кæнынц Алагиры, Беслæны æмæ Мæздæджы дæр. Ацы мадзæлттæ арæзт цæуынц æнцонвадат цардархайды программæйы фæлгæты. Фылдæр хъæлæстæ кæцы бынæттæ райсой, уыдонæн сараздзысты дизайны проекттæ. Хъæлæстæ æмбырд кæндзысты 7-æм февралмæ. Профилон министрады куыд зæгъынц, афтæмæй æхсæнады амынд объекттæм ацы аз базилдзысты. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv