Хистæрты фæдзæхст

Стыр Ныхас абон фембæлд Цæгат æмæ Хуссар Ирыстоны национ-культурон иугæндты минæвæрттимæ. Тымбыл стъолы архайдтой Стыр Ныхасы сæрдар Кучиты Руслан, æрдзон æвæрæнты министрады цур Æхсæнадон советы сæрдар Æлборты Руслан, æхсæнадон змæлд «Наша Осетия» æмæ Мæздæджы районы национ-культурон центры минæвæрттæ. Боны фæткмæ бахастой нæ республикæйы æхсæнадон царды ахсджиагдæр цаутæ. Æрдзырдтой Цæгат Кавказы федералон зылды регионты æмгуыстады æмæ нациты æхсæн быцæудзинæдты тыххæй дæр. Национ минæварадтæ стыр æххуыс сты ацы фарста алыг кæныны тыххæй. Фембæлды хатдзæгтæй иу уыд быцæутæ сабыргæнæн совет саразын. Ныхас ма кодтой æндæр æхсæнадон хъуыддæгтыл дæр. Дзырдтой, хорз кусджытæ æндæр регионтæм кæй алидзынц æмæ кусæн бынæттæ кæй нæ фаг кæнынц, уый тыххæй. Тымбыл стъолы архайджытæ баныхас кодтой, ахæм фембæлдытæ арæхдæр кæнын. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv