Аивад уарзджыты цинæн

«Вне сезона», зæгъгæ фестваль райдыдта Дзæуджыхъæуы. Сарæзтой йæ нæ республикæйы культурæйы министрад æмæ фæсивæды хъуыддæгты фæдыл комитеты хъæппæрисæй. Абон мадзалы уазджытæ систы фæсивæд æмæ сабитæ. Уыдонæн театр «Амыран»-ы артисттæ бацæттæ кодтой «Хæзнаты Сакъадах», зæгъгæ спектакль. Ахæм фестиваль сарæзтой дыккаг хатт. Йæ аразджыты ныхæстæм гæсгæ, ахæм культурон мадзал дарддæр араздзысты. Фестивалмæ ма сæмбæлдысты Кæсæг-Балхъар æмæ Дагестаны минæвæрттæ. Уыдон дæр фестивалмæ бацæттæ кодтой спектакль. Фестиваль ахæсдзæн 10 боны. Уыцы рæстæгмæ Цæгат Ирыстоны аивадуарзджытæн æвдисдзысты алыхуызон спектакльтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv