«Ирыстоны курдиæттæ», зæгъгæ, фыццаг мæскуыйаг фестиваль 20-æм майы кæронмæ æрхæццæ. Снысан æй кодтой республикæйы 100 азы бонæн. Архайдтой дзы Цæгат æмæ Хуссар Ирыстоны аивæдты дæснытæ, æппæтадæмон конкурсты лауреаттæ, Гнесинты номыл Уæрæсейы музыкалон академийы студенттæ. Кастысты Хетæгкаты Къостайы æмдзæвгæтæ, акодтой националон кæфтытæ, цагътой адæмон музыкалон инструменттыл. Уæрæсейы президенты цур республикæйы æххæстбарджын минæвар Игорь Барсков архайджыты схорзæхджын кодта Кады гæххæттытæй. Бузныг сын загъта, ирон адæмон музыкæ кæй хъахъхъæнынц æмæ йæ райрæзтыл кæй архайынц, уый тыххæй.