Юбилярæн

Зындгонд актер, режиссер æмæ Цæгат Ирыстоны фыццаг спортивон журналист Баскаты Уырызмæгыл сæххæст 75 азы. Битарты Вячеслав æй уый фæдыл схорзæхджын кодта «Ирыстоны намысы майданæй». Паддзахадон хæрзиуæг радтынц адæмæн æмæ республикæйæн стыр хæрзты чи бацæуы æмæ сгуыхтдзинæдтæ кæй къухы бафтынц, уыдонæн. Битарты Вячеслав арфæ ракодта юбилярæн, театры æмæ кинойы, актер æмæ режиссерæй бирæ азты кæй фæкуыста, уый тыххæй. Уæлдайдæр та спортивон журналистикæйы рæзтмæ стыр æвæрæн кæй бахаста, уый тыххæй. Юбиляр зæрдæ бавæрдта, дарддæр дæр Цæгат Ирыстоны кадæн кæй кусдзæн, уымæй. Цæгæт Ирыстоны культурэйы сгуыхт кусæг: «Мæ зæрдæ нæ республикæйы цæрджытæн, ме мкусджытæн зæгъы, цæмæй сæ куыст адæмы зæрдæмæ цæуа, уа ахсджиаг, цæмæй сæ программæтæ циндзинад хæссой куыд сæхицæн, афтæ сæм чи кæсы, уыдонæн дæр. Иу хатт ма мæ стыр бузныг зæгъын фæнды нæ республикæйы сæргълæууæгæн, йæ цæст нæм кæй дары, республикæйы сæргълæууæг æмæ хицауады пресс-службæйы кусджытæн. Уымæй уæлдай ма стыр арфæ кæнын ме мкусджытæн, кæимæ бакуыстон, уыдонæн сеппæтæн дæр.» _ Мы рядом в: vk.com/irystontv instagram.com/irystontv youtube.com/irystontv twitter.com/irystontv