Дзæуджыхъæуы пъæлицæйы кусæгыл байгом кодтой уголовон хъуыддаг

Цæгат Ирыстоны мидхъуыддæгты министрад райдыдта Дзæуджыхъæуы пъæлицæйы оперативон 31-аздзыд кусæджы архайд бæрæг кæнын. Йæ ныхмæ йын нæ республикæйы Слестгæнæн управленийы байгом кодтой уголовон хъуыддаг. Гуырысхо йыл кæнынц Уæрæсейы Федерацийы Уголовон Кодексы 303-æм статьяйы 4-м хаймæ гæсгæ. Баст у оперативон-сгарæн куысты мæнг бæрæггæнæнтимæ. Мидхъуыддæгты министрад дæр архайы йæ кусæджы митæн аргъ скæныныл. Кæд æм исты азым ссарой, уæд æй йæ хæстæй суæгъд кæндзысты æппæрццæг миниуджытæм гæсгæ. Æфхæргæ та йæ бакæндзысты закъоны бындурыл. Дзырд æрхаудзæн йæ кæмкоммæ разамонджытæм дæр. Уыдоны та бафхæрдзысты дисциплинарон æгъдауæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv