Мæскуыйы ахицæн Владимир Путины инаугураци

Абоны сæйраг хъусынгæнинаг. Æмбисбоныл Уæрæсейы цыдис Президент Владимир Путины йæ бынаты снысан кæныны кадджын мадзал. Цæгат Ирыстоны сæргълæууæг Битарты Вячеслав дæр архайдта инаугурацийы. Ацы хатт мадзал хицæн кодта уазджыты уæлдай стыр бæрцæй - 5 мин адæймаджы. Уый раздæримæ абаргæйæ у дыууæ хатты фылдæр. Церемонийы ма уыдысты закъондæттæг, æххæстгæнæг æмæ тæрхонгæнæг хицаудзинады минæвæрттæ, субъектты губернатортæ æмæ сæргълæуджытæ, фæсарæйнаг дипломаттæ, наукæ, аивады æмæ æхсæнады кусджытæ. Уымæй уæлдай ма ацы аз уазджыты `хсæн уыдысты, æвзæрстыты кампанийы президенты штабы чи куыста, уыцы бархионтæ. Владимир Путин ард бахордта Кремлы стыр галуаны. Уый фæстæ йæ раныхасы бузныджы ныхæстæ загъта Уæрæсейы цæрджытæн, æвзæрстыты рæстæг йæ фарсмæ кæй æрбалæууыдысты, уый тыххæй. Владимир Путин ма бапиффайдта, куыд нæ бæстæйы сæргълæууæг, афтæ йæ сæйраг хæс у адæмы хорздзинадæн фылдæр кусын, Уæрæсейы кадыл кад, йæ тыхыл тых æфтауыныл архайын. Бафтыдта ма, нæ бæстæ æнтыстджынæй йæ экономикон, культурон, наукон бастдзинæдты рæзтыл кæй кусдзæн, стæй уæлдай цæстдард дунейы сабырдзинадмæ æмæ мидæггаг политикæмæ кæй дардзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv