Зæйты ныхмæ галерей Транскамы сцалцæг кæндзысты 2023 æм азмæ

Захъайаг зæйты ныхмæ галерей Транскамы бындуронæй сцалцæг кæндзысты 2023-æм азмæ. Йæ дæргъ у 827 метры. Цалцæггæнæн куыстытæ фæнд кæнынц райдайын ацы аз. Уый тыххæй фехъусын кодтой федералон фæндæгты управлени «Кавказ»-æй. Хъæрджын - Алагир - Дæллаг Зæрæмæджы уылты цы галерей цæуы, уый уавæр специалисттæ банымадтой зæрдæхсаинагыл. Хъæуы дзы сæвæрын ног вентиляцион æмæ видеоцæстдарды системæтæ, рухс, сигнализаци æмæ зынгхуыссынгæнæн системæтæ. Паддзахадон æлхæдтыты бæрæггæнæнтæм гæсгæ бадзырды аргъ уыдзæн 1 млрд 960 милуан сомы. Уыдонæй 692 милуан сомы рахай кæндзысты ацы аз, 2021-æм азы та 620 млн сомæй фылдæр. 2022 азы 648 милуан сомæй фылдæр. Транскам у Хуссар æмæ Цæгат Ирыстон иугæнæг фæндаг. Фæндаг эксплуатаци кæнын райдыдтой 1984 азы. Æрвылаз боныхъæды аххосæй фæкусы къуылымпытимæ. Арæхдæр зымæгон, ома митуарды фæстæ зæйтæ рацæуынæй тæссаг куы вæййы уæд. Зæгъдзыстæм ма уый, æмæ зæйты ныхмæ арæзт Захъайаг галерей сарæзтой 2002 азы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv