Атахт æмæ... ногæй атахт

Дзæуджыхъæуæй Мæскуымæ цы хæдтæхæг тахт, уый фæстæмæ раздæхт. Цæгат Ирыстонæй куы абалц кодта, уæд æваст афæдз æмæ `рдæгдзыд сывæллонæн йе `нæниздзинады уавæр цæхгæр февзæр. Уæлдæфон науы экипажы командир уынаффæ рахаста хæдтæхæг фæстæмæ Дзæуджыхъæуырдæм саразын. Фæстæдæр куыд рабæрæг, афтæмæй сывæллон цавæрдæр хæринагæй фæхъæстæ ис. Цалынмæ уæлдæфы уыдысты, уæдмæ йын хæдтæхæджы экипаж æххуыс кодта. Фæлæ куыддæр фæстæмæ Дзæуджыхъæуы æрбадтысты, афтæ йæ уайтагъд рынчындонмæ аскъæфтой. Сæвæрдтой йæ хæцгæ низты хайады. Æнæниздзинад хъахъхъæныны министрады пресс-службæйæ уæдмæ фехъусын кодтой, сывæллоны уавæр зынгæ кæй фæхуыздæр. Хæдтæхæджы иннæ бæлццæттæ дæр уæдæ сæрæгасæй Мæскуымæ ныххæццæ сты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv