Дæнцæгæн хæссинаг

Национ гвардийы Цæгат Ирыстоны хайады кусджытæ футболæй дунеон чемпионаты æдасдзинады домæнтæм куыд æмбæлы, афтæ æххæст кодтой. Уый тыххæй нæ республикæйы сæргълæууæг Битарты Вячеславæн кусæг фембæлды рæстæг радзырдта Уæрæсейы национ гвардийы директоры хæдивæг, инæлар-булкъон Сергей Меликов. Регионалон хайады Национ гвардионтæ архайдтой Ростовы æмæ Волгограды. 8 æфсæддоны банымадтой дæнцæгæн хæссинагыл. Хорзæхджынгонд æрцæудзысты уагдоны хæрзиуджытæй. Ныртæккæ æфсæддонтæ ссыдысты Цæгат Ирыстонмæ. Сергей Меликов ма разыйæ баззад, нæ республикæйы дæр æдасдзинады домæнтæ куыд æххæст кæнынц, уымæй. Цæгат Кавказы æфсæддон университеты юбилеймæ кадджын мадзæлтæ иттæг хорз кæй бацæттæ кодтой, уый тыххæй ма Битарты Вячеславæн загъта бузныджы ныхæстæ. Уæлдай æхсызгон ын у, Дзæуджыхъæуы мемориалон комплекс Барбашовы фæз кæй байгом кодтой, уый. Инæлар-булкъоны ныхæстæм гæсгæ Цæгат Ирыстоны кад кæнынц æмæ хъахъхъæнынц сæ истори æмæ хъайтарты нæмттæ. Рох сæ нæ кæнынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv