Диспансеризацимæ йæ цæст чи дардзæн, ахæм сæрмагонд къамис сарæзтой Цæгат Ирыстоны

Къамис арæзт у æххæстгæнæн æмæ бынæттон хицауады уæнгтæй, депутаттæ æмæ æхсæнадон организациты архайджытæй. Диспансеризацимæ сæ цæст дардзысты Росздравнадзор, æнæмæнг медицинон фæдзæхстады федералон æмæ территориалон фондтæ, стæй ма медицинон фæдзæхстады организацитæ. Иуæй-иу министрадтæн бабар кодтой профилактикон медицинон æркастытæ æмæ диспансеризаци адæмы 'хсæн парахат кæнын. Уыцы куыст кæнынц æнæниздзинад хъахъхъæнынад, рухстауынад, наукæ æмæ ахуырад, бастдзинад, спорт, транспорт æмæ фæллойы министрадтæ. Сæрмагонд анкетæты руаджы адæмæн фадат уыдзæн медицинон лæггæдтæн аргъ скæнын. Уыимæ дæрддзæф хъæуты цæрджыты диспансеризацимæ ласдзысты районты поликлиникæтæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv