Боксер Федор Чудинов тох кæндзæн мартъийы Дзæуджыхъæуы

Боксер Федор Чудинов куыд фехъусын кодта, афтæмæй йæ фидæны тох ацæудзæн мартъийы Дзæуджыхъæуы. Уый тыххæй йæхи цæттæ кæндзæн фембæлдмæ нæ республикæйы дæр. Уæ зæрдыл уын æрлæууын кæндзыстæм, Федор Чудинов у WBA Gold-ы дунейы чемпион. Фæуæлахиз 22 хатты, 2 хатты та фæхæрд. Федор Чудиновы ныхæстæм гæсгæ, цæттæгæнæн мадзæлттæ цæудзысты сæрмагонд фæткмæ гæсгæ. Йæ фæстаг тох дæр спортсменæн ацыд Дзæуджыхъæуы. Уæд фæуæлахиз французаг спортсмен Хассан Н'Жикамыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv