1 млрд æмæ 8 милуан сомы схардз кæндзысты Цæгат Ирыстоны саразынæн хъæрмуæтты комплекс

1 млрд æмæ 8 милуан сомы схардз кæндзысты Цæгат Ирыстоны саразынæн хъæрмуæтты комплекс. Фæнд æй кæнынц 2021 азмæ самал кæнын. Зайын дзы кæндзысты пъамидортæ, кæрдæджытæ æмæ гагадыргътæ. Хъæрмуæтты фæзуат уыдзæн 10 гектарæй фылдæр. Уый тыххæй дзыллон информацион фæрæзтæн фехъусын кодта куыстуат «Зеленый мир»-ы гереналон директор Махъоты Хетæг. Фылдæр æргом аздахдзысты галæрыскъæф парахат кæнынмæ. Хъæрмуæттæ саразын фæнд кæнынц афæдзмæ. Хъуамæ дзы фæзына 180 куысты бынаты. Проект фадат дæтдзæн алы аз дæр республикæйы бюджет 70 милуан сомы бæрц фылдæр кæнын хъалонты хуызы. Ныртæккæ архайынц зæххы хай снысан кæныныл. Рагагъоммæйы бæрæггæнæнтæм гæсгæ, ахæм фæз сараздзысты Мæздæджы районы. Цæгат Ирыстоны ныртæккæ хъæрмуæтты зад халсартæй æййафынц цух. Ахæм хойрæгтæй дзаг у æрмæстдæр 10-15 проценты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv