«Аланийы аргъуыд: истори, наукæ, культурæ»

«Аланийы аргъуыд: истори, наукæ, культурæ». Ахæм номимæ наукон-практикон конференци арæзт æрцыд Дзæуджыхъæуы. Мадзал сарæзта республикæйы Парламент, Цæгат Ирыстоны паддзахадон университеты æххуысæй. Конференци арæзт уыд Аланийыл дзуæрттæ куы бафтыдтой, уый 1100 азы юбилейы кадæн. Бацархайдтой дзы Цæгат Ирыстоны парламенты сæрдар Алексей Мачнев, Дзæуджыхъæуккаг æмæ Алайнаг Алчыр Леонид, Цæгат Ирыстоны национ ахастдзинæдты фарстаты фæдыл министр Цуциты Аслан, парламенты депутаттæ, уæлдæр ахуыргæнæндæтты профессортæ, ахуыргæнджытæ æмæ студенттæ, стæй æхсæнадон организациты минæвæрттæ. Ныхас цыд Аланийы аргъуыды 1100 азы историон æмæ культурон мидис, ирон адæмон къæлиндары сæвзæрд, Нузалы аргъуаны цалцæджы хатдзæгтæ æмæ æндæр фарстатыл. Мадзалы архайджытæ бафиппайдтой, юбилейæн стыр ахадындзинад кæй ис Цæгат æмæ Хуссар Аланийы. Уымæй уæлдай ма фæбæрæг кодтой, Хуссар Ирыстон дæр юбилеон бæрæгбæтты æнæмæнг кæй хъуамæ бацархайа, уый. Конференцийы хатдзæгтæм гæсгæ ныффидар кодтой резолюци. Архайджытæ дзы басидтысты, падзахад æмæ аргъуан истори æмæ культурæйы хæзнатæ бахъахъхъæныны къабазы системон æмгуыстад куыд саразой, уымæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv