Культурæйы фарстатæ

Национ зонадон чиныгдоны сарæзтой æхсæнадон дискусситæ. Ныхас цыд культурæйы къабазы фарстатыл нæ республикæйы райрæзты 2030 азы онг стратегийы фæлгæты. Цæгат Ирыстоны 2024 азмæ сцалцæг кæндзысты 67 культурон объекты, 27 аивæдты училищæйы та сифтонг кæндзысты нырыккон домæнтæм гæсгæ. Приоритетон къабазы разамонæг Ататы Мадинæ фембæлды архайджыты базонгæ кодта проектимæ. Проектмæ гæсгæ, нæ республикæйы сараздзысты культурон рæзты центр. Уыдзæн дзы концертон зал æмæ музей. Уыимæ ма, уæлдай æргом аздахдзысты культурон хъæппæристæн грантты хуызы æххуыс кæныны программæмæ.Нымæцон культурæмæ дæр уæлдай цæстдард уыдзæн. Фæзындзæн 3 виртуалон концертон залы. Уымæй уæлдай ма фæнд кæнынц музейтæ нымæцон хуызы гидтæй сифтонг кæнын. Программæйы фæлгæты ма æххуыс кæндзысты курдиатджын фæсивæдæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv