Фыццаг телеконкурс «Фæндырмæ»

Нæ канал сарæзта фыццаг телеконкурс «Фæндырмæ». Йæ фæндаг æнтыстджынæй акодта республикæйы районтыл. Дыууæ къуыримæ бабæрæг кодтам Беслæныхъæу, Алагир, Елхот æмæ Дигора. Конкурсы архайджытæ стырæй чысылæй сæ фæлтæрддзинад фæндырыл цæгъдынæй æвдисынц нæ жюрийы уæнгтæн. Сæ фылдæр сты хиахуыр. Уый та дзурæг ууыл у, æмæ ирон фæндыры зæлтæм хъæрмуд ахастдзинад цæуы фæлтæрæй-фæлтæрмæ. Архайджыты разæнгард кæнын дæр нæ хъæуы. Иутæ сæ хæсыл нымайынц районы кад бахъахъхъæнын, иннæтæм ахсджиаг кæсы йæ курдиат равдисын, чи та уæвгæ йæ хæсыл нымайы йæ фæлтæрддзинадæй кæстæртæн фæхай кæнын. Конкурсы архайджыты `хсæн ис ацæргæ адæм дæр. Районты нырма цæуынц æркæстытæ. Цыкола, Æрыдон, Октябрьскæ æмæ кæронбæттæны Дзæуджыхъæуы равдисдзысты сæ курдиат. Рахизфарсы районы æвзæрстытæм æркаст нæ эфиры рацæудзæн сабаты 18 сахаты æмæ 45 минутыл. Кæд уын фадат нæ фæци æвзæрстытæм бахауын, уæд уæм æнхъæлмæ кæсæм Дзæуджыхъæуы. Бæлвырддæр хабæрттæ уæ бон базонын у нæ телефоны номырæй: 92-64-64-æй. Кæнæ та нæ сайт iryston.tv-йыл. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv