Хицауады æмбырд

Социалон-экономикон райрæзты хатдзæгтыл абон æрдзырдтой хицауады æмбырды. Промышленнон куыстуæтты базарадон рæзт у 7,6 проценты, æфтиæгты бæрц та 14 миллиард сомы. 2018-æм азы райдианæй æппæты фылдæр рæзт æвдисынц згъæрты æмæ химион куыстады къабæзты. Хъæдгуыстгæнджытæ дæр фæстейы нæ баззадысты. Хорз бæрæггæнæнтæ бафтыд хъæууон хæдзарады æмæ хъæбæр нозт уадзæг куыстуæтты къухы. Стурвос чи дары æмæ хи фермæйы куыст чи кæны, уыдон дæр республикæйы чысыл не сты. Хуымзæххытæ фæпарахатдæр сты 174 мин гектары онг. Бирæфатерон хæдзæртты арæзтадыл дæр 16,5 проценты бафтыд фаронимæ абаргæйæ. Фæхуыздæр демографион уавæр. Чи райгуырд, уыдоны нымæц 12 проценты фæфылдæр, чи амард, уыдонæй - 338 адæймаджы фылдæр. Ныхас ма цыд Цæгат Кавказы Суворовон училищæйы арæзтадыл. Уыцы нысанимæ республикон исбонадæй радих кодтой 16 гектары зæхх. Тускъаты Таймураз: «Абон цы бæрæггæнæнтæ æвдисæм уый у республикæйы хицауады æмæ мунипалон разамонджыты иумæйаг куыст. Бакусинаг фарстатæ нырма бирæ сты, æргом æнæмæнг кæмæ аздахын хъæуы, ахæмтæ. Социалон экономикæйы лыггæнинаг фарстатæ аиуварс кæнынæн сæрмагонд программæ саразгæйæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv