Наукæйы ныхас

Швейцарийæ ахуыргонд сарæзта лекци сывæллæтты технопарк «Кванториум»-ы ахуырдзаутæн. Александр Глотов у Цæгат Ирыстонæй рацæуæг. Каст фæци Цæгат Ирыстоны паддзахадон университет. Ныртæккæ у Швейцарийы молекулярон биологийы институты ахуыргæнæг. Фæкæсы лекцитæ Европæйы раззагдæр уæлдæр ахуыргæнæндæтты. Йæ зонындзинæдтæ на бавгъау кодта Дзæуджыхъæуы æрыгон биологтæн дæр. Александр Глотов сывæллæттæн радзырдта генты инженери æмæ молекулярон биологийы къабæзты фæстаг иртæстыты тыххæй. Ахуырдзаутæм фæрстытæ дæр разынд. Ахуыргонд сын бæлвырд дзуæппытæ радта. Лекцийы фæстæ Александр Глотов фембæлд ахуыргæнджытимæ, стæй æркаст бæстыхайы кусæнгæрзтæм. Уымæй уæлдай ма технопарчы ахуырадон пълантæм бахаста ног хъæппæристæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv