Æнæнхъæлæджы цау

Цалдæр сахаты размæ Дзæуджыхъæуы бæстастæу хойраджы дуканитæй иуы пъол ныттыдта. Ахæм æнæнхъæлæджы хъуыддаг æрцыд Дзанайы-фырты номыл уынджы. Хабары тыххæй уайтагъд фехъусын кодтой социалон хызæгты. Рагагъоммæйы бæрæггæнæнтæм гæсгæ адæм сæрæгасæй аирвæзтысты. Фæлæ дуканийы уазалгæнæнтæ, тæрхæджытæ æмæ æндæр кусæнгæрзтæ ныппырхытæ сты. æвдисæнтæ куыд зæгъынц, афтæмæй пъадвалы æрæджы райдыдтой цалцæджы куыстытæ кæнын. Аразджытæ бавдæлдысты, æмæ æнцойгæнæн къул фехæлдтой. Бæстыхай ахæм фæлварæны ныхмæ фæлæууын нæ бафæрæзта æмæ ныккалд. Дуканийы хицау цы зиантæ баййæфта, уый бæрц нæ зонæм. Уæдæ арæзтадон куыстытæ чи райдыдта æмæ йын бар уыдис уымæн æви нæ, уый базонын дæр зын рауад. Абондæргъы нæ уацхæсджытæ бæрнон кусджытæй домынц официалон æгъдауæй цауы фæдыл раныхас кæнын. Фæлæ иу радзурæгыл дæр нæ фæхæст стæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv