Дзæуджыхъæуы историйы музейы байгом равдыст «Притяжение красоты». Йæ куыстытæ равæрдта Уæрæсейы нывгæнджыты Цæдисы уæнг Дарчиты Аленæ. Æдæппæтæй равæрдта 60 нывы. Йе сфæлдыстад арæзт у пленэр техникæйæ. Фылдæр дзы ис æрдзы нывтæ: зымæгон, æхсæвыгон, боныгон. Равдыст гом кæныны кадджын мадзалы бацархайдтой зындгонд нывгæнджытæ, аивадуарзджытæ æмæ сфæлдыстадон дæсныйæдты студенттæ. Дæсны нывгæнæджы куыстытæн аргъ скæнæн уыдзæн мæйы дæргъы.