Цæгат Ирыстонмæ ссыдысты квадроциклисттæ Самарæйæ

Цæгат Ирыстонмæ ссыдысты туристтæ Самарæйæ. Фæнды сæ нæ хæхты рæсугъддзинæдтæ фенын. Сæ балц сарæзтой квадроциклтыл. Нæ республикæмæ сæмбæлдысты фыццаг хатт. Райдыдтой Дзæуджыхъæуæй. Стæй Хъобаны уылты къорд цæуинаг у Хъæрмæдонырдæм. Уырдыгæй та - Мидæгрæбыны æхсæрдзæнтæм. Сæ балцвæд фæуыдзæн Фыййагдоны. Уым сын Цæгат-Ирыстойнаг спортсментæ бацæттæ кодтой экскурси. Туристтæ нæ республикæйы цас фæуыдзысты, уый нæма зонынц. Петр Трофимов, квадроциклист Самарайæ: «Нæ къорды ис 27 адæймаджы. 7-æй дзы сты квадроциклистты сывæллæттæ æмæ бинойнæгтæ. Немæ райстам, цыдæриддæр нæ бахъæудзæн, уый. Хæринаг та райстам къуыри æмæ `рдæджы фаг. Алы лыстæг хабарæй дæр ифтонг стæм». Квадроциклистты æрбахуыдтой, Цæгат Ирыстоны уыцы спортмæ æмхиц чи у, уыдон. Бынæттон квадроциклистты ассоциаци сын сæ балцыл бакуыста. Иугонды ис 15 адæймаджы. Уæвгæ, квадроциклтыл экстремалон балцытæ чи уарзы, уыдоны нымæц у фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv