Ахсджиаг фарста

Сывæллонмæ кæсынæн æрвылмæйы фиддонтæ, гæнæн ис, æмæ фиддзысты, цалынмæ сабийыл 3 азы нæ сæххæст уа, уæдмæ.Ахæм закъоны проекты фарс рахæцыд Цæгат Ирыстоны парламент. Федералон закъонмæ ивддзинæдтæ бахæссыныл æрдзырдтой абон Парламенты советы. Амыдта йæ Алексей Мачнев. Депутаттæ æркастысты 30 закъоны проектмæ. Дзырдтой ма хæсты ветерантæн уæлæмхасæн æххуысыл. Ныхас цæуы сæ коммуналон лæггæдты фиддонты 50% фæстæмæ дæттыныл, стæй сæ сывæллæтты рæвдауæндæттæм, скъолатæм æмæ сæрдыгон дзæбæхгæнæн лагерьтæмæнæ радæй исыны тыххæй. Æрныхас кодтой ма артаг æмæ сæрдæн æрмæджыты аргъ фæкъаддæр кæныны мадзæлттыл. ¤ Реуазты Ларисæ, РЦИ-Аланийы парламенты социалон политикæ, æнæниздзинадхъахъхъæнынады æмæ ветеранты хъуыддæгты фæдыл комитеты сæрдар: «Фæнды мæ бамбарын кæнын, уый, æмæ ныртæккæйы фæткмæ гæсгæ, сывæллæттæн аз æмæ æрдæджы онг фæфидынц æрвылмæйы фиддонтæ. Йæ бæрц у ныййарджыты мыздæн йæ 40%. Ныртæккæ Паддзахадон Думæйы депутаттæ рахастой уыцы фиддонтæ фидыны рæстæг фæдæргъвæтиндæр кæныны хъæппæрис. Ома, сæ цæмæй фидой цалынмæ сывæллоныл æртæ азы нæ сæххæст уа, уæдмæ. Мах зæрдиагæй рахæцыдыстæм ацы закъоны проекты фарс». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv