Дзæуджыхъæуы сæнусон кæндзысты Кучиты Юрийы ном

Дзæуджыхъæуы сæнусон кæндзысты Кучиты Юрийы ном. Коцойы-фырты номыл уынджы Социалистон фæллойы хъæбатыр, арктикон капитанæн, Цæгатаг полюсы фыццаг чи уыд, уымæн байгом кæндзысты цыртдзæвæн. Мадзал снысан кæндзысты йæ райгуырды 100 азы бонмæ. Уый тыххæй дзырдтой Кучиты Юрийы юбилейы фæдыл сæрмагонд къамисы æмбырды. Разамынд ын лæвæрдта республикæйы хицауады сæрдары хæдивæг Азымты Иринæ. «Родовые истоки арктического капитана Юрия Кучиева», зæгъгæ, равдыстыты проект цæттæ кæны архивон службæ. Ног ахуыры аз республикæйы скъолаты ацæудзысты хъæбатырдзинады уроктæ. Ахуырдзаутæн равдисдзысты иртасæджы тыххæй видеоæрмæджытæ. Дзæуджыхъæуы чиныгдæтты сараздзысты равдыстытæ. Уымæй уæлдай ма тематикон лекцитæ, викторинæтæ бацæттæ кæндзысты «Балц» æмæ «Горец», зæгъгæ, лагерьты. Мадзæлттæ расидт фæсивæды хъуыддæгты фæдыл республикон комитет. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv