Абон Уæрæсейы бæрæг кæнынц Космонавтикæйы бон

Абон Уæрæсейы бæрæг кæнынц Космонавтикæйы бон. Баст у, адæймаг космосмæ фыццаг хатт кæй атахт, уыцы цауимæ. 62 азы размæ космосон нау «Восток»-ыл Юрий Гагарин æрзылд зæххы къорийыл. 108 минуты аивтой дунеæмбарынад. Парахатæй мадзал бæрæг кæнынц Цæгат Ирыстоны дæр, Къомайты Русланы номыл космонавтикæйы скъолайы. Байгом дзы кодтой ног экспонат. Скъоламæ фæхæццæ кодтой Космосон науы фæстæмæ здахгæ аппарат. Ахæм капсулæйы космонавттæ фæрацу-бацу кæнынц космосон станцæ æмæ зæххы 'хсæн. Космосон нау «Союза»-ы фӕстӕмӕ здахгӕ аппарат орбитӕмӕ суагътой 2014 азы космодром «Байконур»-ӕй. Ныр сси Дзæуджыхъæуы космонавтикæйы скъолайы фидауц. Æмбал кæмæн нæй, уыцы космосон объект райсын къухы бафтыд регионы разамонæг Сергей Меняйло æмæ ахуырад æмæ наукæйы министрады æххуысæй.