СВЯЩЕННОМУЧЕНИК ПРОТОИЕРЕЙ СЕРГИЙ УВИЦКИЙ.

Моя страница в ВК: https://vk.com/id630356924 #Православие, #Христианство, #русскийсвятой, #СвященномученикСергийУвицкий, #новомученик, #житиясвятых, #житиярусскихсвятых, #житияновомучеников, #житиеСвященномученикаСергияУвицкого, #новомученикииисповедникиРоссийские, #новомученикииисповедникиЦерквиРусской, #СвященномученикпротоиерейСергийУвицкий Тропарь: Це́ркве Ру́сския сто́лпе непоколеби́мый, благоче́стия пра́вило, жития́ ева́нгельского о́бразе, священному́чениче Се́ргие, Христа́ ра́ди пострада́вый да́же до кро́ве, Его́же моли́ усе́рдно, я́ко Нача́льника и Соверши́теля спасе́ния, Русь Святу́ю утверди́ти в Правосла́вии до сконча́ния ве́ка. Кондак: Восхва́лим ве́рнии, изря́днаго во свяще́нницех и сла́внаго в му́ченицех Се́ргия, Правосла́вия побо́рника и благоче́стия ревни́теля, земли́ Ру́сския кра́сное прозябе́ние, и́же страда́нием Небе́с дости́же и та́мо те́пле мо́лит Христа́ Бо́га спасти́ся душа́м на́шым. Молитва: О избра́нниче и уго́дниче Христо́в, священному́чениче Се́ргие, Це́ркве Ру́сския сто́лпе непоколеби́мый, земли́ на́шея благо́е прозябе́ние и кра́сный плод, сро́дников твои́х предста́телю и наста́вниче! Ты во вре́мя гоне́ния безбо́жнаго от сокро́вищницы души́ твоея́ спаси́тельное испове́дание Правосла́вныя ве́ры изне́сл еси́, и лю́дем ве́рным па́стырь до́брый яви́лся еси́, ду́шу твою́ за Христа́ и Его́ о́вцы полага́я и лю́тыя во́лки дале́че отгоня́я. Ны́не у́бо при́зри на нас, недосто́йных чад твои́х, умиле́нною душе́ю и сокруше́нным се́рдцем тя призыва́ющих. Умоли́ Го́спода Бо́га, да прости́т согреше́ния на́ша и изба́вит от а́довых уз и ве́чнаго муче́ния. Утверди́ нас в ве́ре святе́й, научи́ нас всегда́ твори́ти во́лю Бо́жию и храни́ти за́поведи церко́вныя. Бу́ди па́стырем на́шым — пра́вило ве́ры, во́ином — вождь духо́вный, боля́щим — врач изря́дный, печа́льным — уте́шитель, гони́мым — засту́пник, ю́ным — наста́вник, всем же благосе́рдый оте́ц и те́плый моли́твенник. Я́ко да моли́твами твои́ми соблюде́ся в Правосла́вии Свята́я Русь и непреста́нно сла́вится в ней и́мя Пресвяты́я Тро́ицы, Отца́, и Сы́на, и Свята́го Ду́ха, во ве́ки веко́в. Ами́нь.