Плиты Иссæйы номыл орден

Райсом, 12-æм июлы республикæйы парламенты 15-æм æмбырды æрныхас кæндзысты пенситы реформæйыл. Боны фæткы фарстатæ сфидар кодтой абон парламенты советы æмбырды. Амыдта йæ Алексей Мачнев. Ныхас ма дзы кодтой ног паддзахадон хæрзиуæг - æфсады инæлар Плиты Иссæйы номыл орден сфидар кæныныл. Паддзахадон хæрзиуджыты номхыгъды, «Цæгат Ирыстоны намысы ордены» фæстæ бацахсдзæн дыккаг бынат. Парламенты Советы ма æркастысты, фæсарæнты чи цæры æмæ нæ уыцы æмбæстæгтæй Фыдыбæстæйы Стыр хæсты ветеран чи у, уыдонæн Уæрæсейы гражданин суæвыны фæтк фенцондæр кæнынмæ. Закъоны проект куы сфидар кæной, уæд раздæры æнæмæнг домæнтæй цыдæртæ баивдзысты. Депутаттæ ма æрдзырдтой 2030-æм азмæ республикæйы социалон-экономикон рæзты программæйы тыххæй дæр. Арвитдзысты йæ, закъонмæ ивддзинæдтæ бахæссыны бар кæмæн ис, уыцы уагдæттæм. Уыдон программæмæ хъуамæ æркæсой. Кæд хъæуа, уæд æм ивддзинæдтæ бахæсдзысты æмæ йын хатдзæгтæ скæндзысты. Закъон сфидар кæныны фарстамæ æркæсдзысты республикæйы парламенты фæззыгон сессийы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv