Цæгат Ирыстоны кусæг балцы уыд Уæрæсейы энергетикæйы министр Николай Шульгинов
Цæгат Ирыстоны кусæг балцы уыд Уæрæсейы энергетикæйы министр Николай Шульгинов. Хицауады къамисы æмбырды æрныхас кодтой Цæгат Кавказы федералон зылды субъектты цæттæдзинадыл хъармгæнæн рæстæгмæ. Уыимæ ма, регионы артаг æмæ энергетикæйы къабазы ахсджиагдæр фарстатæ æмæ гæнæнтыл. Аэропортæй — комкоммæ хицауады хæдзармæ. Ацы аз Энергон тыхы æдасдзинады фæдыл Федералон штабы æмбырд ацыд Дзæуджыхъæуы. Архайдтой дзы Цæгат Кавказы субъектты минæвæрттæ. Сæрдариуæг дзы кодта Уæрæсейы энергетикæйы министр Николай Шульгинов. Ныхас кодтой Цæгат Кавказы регионты цæттæдзинадыл хъармгæнæн рæстæгмæ. Компани «Россети» 3 миллиард сомы рахай кодта объектты куыстæн. Куыстытæ цæуынц æмгъуыды бæлвырд фæткыл. Министры ныхæстæм гæсгæ, хызæгты уавæр сæ хæрзтæй нæу Цы къуылымпыдзинæдтæ фæзыны, уыдон, фыццаджыдæр, баст сты, кусæнгæрзтæ кæй ныззæронд сты æмæ ивинаг кæй сты, уыимæ. Николай Шульгинов куыд зæгъы, афтæмæй ивын хъæуы лæггæддтæн фидыны æууæлтæ. Уым æнæ паддзахадон æххуысæй зын уыдзæн. Ахсджиаг у хызæгты комплекс æрбангом кæнын, уæлдайдæр та бынæттон хызæгты куыстуæттæ. Цæгат Кавказы электрон тыхæн хæстæ дарддæр рæзынц. 7 мæймæ уыцы бæрæггæнæн дыууæ млрд сомы фæфылдæр. Æдæппæтæй та у 37 миллиард сомы. Уавæр хуыздæр кæны Цæгат Ирыстоны. Уый тыххæй фæнысан кодта Сергей Меняйло. Æмбырды кæрон делегаци ацыд Зæрæмæгмæ. Фыццаджыдæр федтой, ГЭС-ы куыст цæмæ гæсгæ бæрæг кæнынц, уыцы бассейн. Турбинæмæ раттыны размæ дзы æмбырд фæкæны дон. Бассейн ис хæхты 1 600 метры æмвæзадыл. Уазджытæ базонгæ сты фыццаг ГЭС-ы куыстимæ. Уый у Цæгат Кавказы æртыккаг егъаудæр гидроэлектростанцæ. Кусæг балцы кæронбæттæн уынаффæ рахастой, къабазы фарстатæ лыг кæнын кæй хъæуы комплексон хуызы. Сергей Меняйлойы хъудымæ гæсгæ, фыццаджыдæр банывыл кæнын хъæуы лæггæдтæн фидыны хъуыддаг. Уымæй аразгæ уыдзæн фидæны проектты æмæ программæты хъысмæт. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv