150 сабийæн байгом кодтой уæлæмхасæн къордтæ

Дзæуджыхъæуы ахуырадон центры скъоламæ чи нæма цæуы, уыцы 150 сабийæн байгом кодтой уæлæмхасæн къордтæ. Уый тыххæй фехъусын кодтой Цæгат Ирыстоны ахуырад æмæ наукæйы министрады. Цалцæггæнинаг куыстыты фæстæ къордтæ сцæттæ сты куыд æмбæлы, афтæмæй. Ис дзы сывæллæттæн æппæт хъæугæ уавæртæ. Ахуырадон центр «Интеллект»-ы цы 6 уæлæмхасæн къорды арæзт æрцыд, уыдоны фæрцы 1 афæдз æмæ æрдæгæй 6 азмæ кæуыл цæуы, уыцы сабитæн ныр ис бынæттæ рæвдауæндæтты. Афтæмæй та ныртæккæ нæ республикæйы рæвдауæндæттæм рады лæууынц 350 сывæллонæй фылдæр. Уыдон 3-7 азы кæуыл цæуы, ахæм сабитæ сты. Федералон паддзахадон информацион системæйы æрмæджытæм гæсгæ 2018-æм азмæ сабитæй скъоламæ чи нæма бацыд, уыдонæн рæвдауæндæтты сæ бынæттæй цæттæ уыдысты 89% , 2019 азмæ та уыцы бæрæггæнæнтæ бæлвырд фæфылдæр сты, æмæ схызтысты 96 процентмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv