Уадзæн пункт «Уæллаг Ларс» кусы фæткмæ гæсгæ

Контролон-уадзæн пункт «Уæллаг Ларс» ног азы бæрæгбæттæм хæстæг кусы йе ’рвылбоны фæткмæ гæсгæ. Рог æмæ уæзласæн транспортæн дзы цæуæн ис дыууæрдæм дæр. Кусынц 8 фæндаджы Гуырдзыстоны рдæм, стæй 7 та Уæрæсейы рдæм. Зымæгон хæхты зæйтæ рацæуынæй тæссаг кæй уыдзæн, уый аххосæй рæстæгæй-рæстæгмæ æфцæгыл нæ уыдзæн транспортæн цæуæн, уæлдайдæр уæзласæн машинæтæн. Арæх æппæт хуызы хæдтулгæтæн. Уый хорз зонынц, декабры фæлладуадзæн бонты Гуырдзыстонмæ цы бæлцæттæ фæцæуынц, уыдон. Арæны сæрты ахизын сын свæййы æцæг хъаймæт. Бæрæгбæтты ахæм бæлццæтты нымæц 10-15% бæрц фæфылдæр вæййы. Уæллаг Ларсыл 2019 азы чи ахызт, уыцы адæмы рæстæмбис нымæц суткæмæ уыд 9000 адæймаджы, уæзласæн æмæ рог хæдтулгæты нымæц та уыд 2 мин 800 онг. Уæллаг Ларсы уылты чи цæуы, уыдоны номхыгъд гыццыл нæу. Цæуынц Сомихæй, Гуырдзыстонæй, Азербайджанæй, Туркæй. Товартæ ласынц Европæйæ дæр. Ам сæм цæуы бæстон цæстдард. Тагъд рæстæджы хъуамæ фæндаг фæуæрæхдæр кæной. Бирæ азты кæмæ æнхъæлмæ кæсынц, уыцы куыстытæ райдайдзысты 2023-æм азы. Уæдмæ транспорты нымæц зынгæ фæфылдæр уыдзæн æмæ та фаг нал кæндзæн. Уавæр фæрогдæр кæнынæн баххуыс кæндзысты мобилон пункттæ. Уадзæн пункты ма шофыртæн фадат фæзынд рагацау рад бацахсын. Уый та уымæн, æмæ алыхуызон хæдтулгæтæн электрон рад сараздзысты. Специалисттæ куыд зæгъынц, афтæмæй уыцы хъæппæрис куыст зынгæ фæрогдæр кæндзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv