Дзæуджыхъæуы сарæзтой велосипедтыл дугъ

«За здоровый образ жизни», зæгъгæ, велосипедтыл дугъ сарæзтой Дзæуджыхъæуы. Мадзал расидтысты парти «Иугонд Уæрæсе»-йы регионалон хайады уæнгтæ æмæ республикæйы Мидхъуыддæгты министрады наркотикты æнæзакъон зилдухы ныхмæ тохгæнæг разамынды хъæппæрисæй. Велосипедтыл дугъы архайдтой 50 адæймаджы. Сæ фылдæр уыдысты фæсивæды минæвæрттæ куыд Дзæуджыхъæуæй, афтæ республикæйы районтæй дæр. Акцийы сæйраг нысан - цæрджыты `хсæн æнæниз цардыуаг апарахат кæнын. Парти «Иугонд Уæрæсе» мадзалы архайджытæн сарæзта алыхуызон конкурстæ. Уымæй уæлдай ма сахуыстой сæлдæджытæй. Мадзалы фæлгæты «Дорогой добрых дел», зæгъгæ, номимæ бархионты змæлды уæнгтæ æмæ Алагиры 2-æм скъолайы ахуырдзаутæ горæты цæрджытæн байуæрстой сæрмагонд сыфтæ. Уым фæнысан кодтой, наркотиктæ æмæ карз нозтæй хи куыд бахъахъхъæнын хъæуы, уый тыххæй хъусынгæнинаг. Мадзал саразынмæ ма баххуыс кодтой республикон наркодиспансер, æфсæддон-патриотон клуб «Ас-Аланы», «Большое сердце», зæгъгæ, организаци æмæ `ндæртæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv