Цæгат Ирыстоны афæдзы кæронмæ байгом уыдзæн адæмон сфæлдыстады куысты центр

Цæгат Ирыстоны байгом уыдзæн адæмон сфæлдыстады куысты центр. Ныртæккæ Дзæуджыхъæуы Сабырдзинады фæзы бæстыхæйттæй иуы уый фæдыл цæуынц арæзтадон куыстытæ. Куыд æххæстгонд цæуынц, уый сбæрæг кодта  Цæгат Ирыстоны промышленность æмæ транспорты министр Хайдарбек Бутов. Профилон министр куыд бафиппайдта, афтæмæй ныртæккæ куыстытæ кæронмæ фæхæццæ кæнынц. Центр хъуамæ срæвдз уа, декабры кæронмæ. Йæ сæйраг нысан у - хи къухæй æрмдæсныйады куыст чи кæны, уыцы адæмæн баххуыс кæнын. Сæ продукци сын адæмы рæгъмæ рахæссын. Уый та пайда уыдзæн нæ республикæйæн. Центрæн проект бацæттæ кодта архитектор Зæнджиаты Аслан. Конд у нырыккон домæнтæм гæсгæ. Уыимæ ма йæм хаст æрцыдсты ирон адæмы культурон элементтæ дæр. Уæ зæрдыл уын æрлæууын кæндзыстæм, æрæджы Цæгат Ирыстоны адæмон сфæлдыстады куыст чи кæны, уыцы адæм бахатытдысты нæ республикæйы сæргълæууæг Битарты Вячеславмæ, цæмæй сын уый баххуыс кæна сæрмагонд бæстыхай рахай кæнынмæ. Битарты Вячеслав хъуыддагмæ бæстонæй æркаст, æмæ адæмы курдиат сæххæст кодта. Æхцайы фæрæзтæ радих кодтой æнæбюджетон фондæй. Хайдарбек Бутов, РЦИ-Аланийы промышленность æмæ транспорты министр: «Ныртæккæ аразтад кæронмæ фæхæццæ кæны. Куыстытæ райдыдтам бындуронæй кæнын. Ацы бынат раздæр уыд заууат уавæры. Ныртæккæ та йæкуыд уынут, афтæмæй фæзындзæн нырыккон домæнтæн дзуапп чи дæтта ахæм центр. Уæдæ дизайнмæ гæсгæ дæр алцыдæр раст кæнæм. Фидæны дзы фæзындзæн адæмон сфæлдыстады куысты центр. Æрмдæсныйы куыст чи кæны, уыдонæн пайда уыдзæн». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv