Хуссар æфсæддон зылды, 49 æм æфсады службæгæнджытæ ард бахордтой

Хуссар æфсæддон зылды, 49 æм æфсады службæгæнджытæ ард бахордтой фыдыбæстæ хъахъхъæнын æмæ хъæбатыр уæвыныл. Æдæппæтæй 1500 адæймаджы. Се хсæн Ярославы æмæ Мæскуыйы облæсттæй, Цæгат Кавказы республикæтæй, Краснодары край æмæ Волгограды облæстæй сиддонтæ зæрдæ бавæрдтой, æфсады æппæт домæнтæ зæрдæргъæвдæй кæй æххæст кæндзысты, уымæй. Ард хæрыны кадджын мадзалмæ æрбацыдысты æфсæддонты хиуæттæ, хæлæрттæ æмæ ныййарджытæ. Сæ ныстуан уыд фыдæлты хъæбатырдзинад хъуыдыгæнгæйæ сæрбæрзондæй Уæрæсейы кад размæ хæссын. Традицимæ гæсгæ æфсæддонтæ ард бахордтой, сæ размæвæрд хæстæ кад æмæ радæй кæй æххæст кæндзысты, уый тыххæй. Æрыгон салдæттæн арфæйы ныхæстæ загътой æфсæддон дæлхайæдты командыгæнджытæ. Ардхæрды фæстæ æрыгон лæппутæн райдайдзысты сæрмагонд ахуыртæ, амондзысты сын хæцæнгарзимæ æмæ æфсæддон техникæйæ куыд пайда кæнын хъæуы, уый. Уæдмæ та уал Хуссар федералон зылды сапертæ схæцын кодтой Фыдыбæстæйы Стыр хæсты рæстæджы рæмудзæн æрмæг. Ссардтой сæ Волгограды облæсты бынæттон цæрджытæ. Рæмудзæн æрмæг сапертæ сындæггай скъахтой æмæ йæ аластой ПрудбОйы полигонмæ. Уым æй срæмыгътой. Афæдзы райдианæй Хуссар æфсæддон зылды сапертæ срæмудзын кодтой 1100 алыхуызон тæссаг æрмæджы. Уыимæ ма æфсæддонтæ Ростовы облæсты сифтонг кодтой быдыры аэродром, сæрмагонд ахуырты фæлгæты. Авиацийы æфсæддонтæ сæххæст кодтой нысангонд хæслæвæрд: Су-25 хæдтæхæгыл мæнг знаджы, рæмудзæн æрмæджытæй, ныббырстой. Стæй æрбадтысты аэродромы стæхæн фæндагыл. Уимæ ма сæ хъуыд бæстыхай дæр бахъхъæнын мæнг*знагæй. Афтæмæй æфсæддонтæ сæ хæслæвæрдтæ æнтыстджынæй сæххæст кодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv