Фæцæттæ кæны

Тарниз дзæбæхгæнæн республикон диспансеры арæзтадмæ поселок Южныйы æркаст республикæйы сæргълæууæг Битарты Вячеслав. Медицинон уагдон арæзт цæуы 2016-æм - 2025-æм азтæм нæ республикæйы социалон-экономикон рæзты программæйы фæлгæты. Нæ республикæйы бæстыхай ахсджиаг у тарнизы профилактикæ æмæ йæ дзæбæх кæнынæн. Аразын æй райдыдтой фарон азы кæрон. Ныртæккæ ма тарниз дзæбæхгæнæн республикон диспансЕры бæстыхайы аразынц дæс корпусы. Медицинон уагдоны уыдзæн 276 бынаты, стæй иу фæлтæрмæ 250 æрбацæуæджы райсын йæ бон кæмæн у, ахæм поликлиникæ. Проектмæ хауынц торакалон хирургийы, исæнуат, рентгенгæнæн æмæ реанимацийы хайæдтæ, хистæрты æмæ сывæллæтты поликлиникæ, административон корпус, операцитæгæнæн æмæ `ндæртæ. Куысты зындæр хай конд æрцыд. Пъланмæ гæсгæ диспансЕр скусдзæн афæдзы кæрон. Малиты Батырбег, тарниз дзæбæхгæнæн диспансеры сæйраг дохтыр: «Ацы ног арæзтад вазыгджын у. Фыццаджыдæр уый тыххæй, æмæ нæ зæронд корпусты рынчынтæ, стæй дохтыртæ дæр уыдысты тынг æвзæр санитарон уавæрты». Михаил Ратманов, РЦИ-Аланийы æнæниздзинад хъахъхъæныны министр: «Ацы проект, ома тарниз дзæбæхгæнæн республикон ног диспансЕры арæзтад, нæ къухы бафтыд республикæйы сæргълæууæджы хъæппæрисы, Уæрæсейы æнæниздзинад хъахъхъæныны æмæ Цæгат Кавказы хъуыддæгты министрадТы руаджы. Республикæ дæр бирæ цæттæгæнæн мадзæлттæ сарæзта. Проекты сметæйы гæххæттытæ барæвдз кодтам, æмæ афтæмæй федералон æмвæзадыл нæ бон хицауадæн бамбарын кæнын сси, ахæм уагдон нæ æнæмæнг кæй хъæуы». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv