Спортивон скъола «Юность» хæсдзæн Нодар Папелишвилийы ном

Дзæуджыхъæуы сывæллæтты спортивон скъола «Юность» хæсдзæн Нодар Папелишвилийы ном. Уый тыххæй хицауады æмбырды фехъусын кодта физкультурæ æмæ спорты министр Хуыгаты Алан. Орджоникидзейы футболон клуб «Спартак» -ы раздæры зындгонд футболист уыд хуыздæр рæстдзæвинтæй иу. Йæ фыццаг профессионалон къахдзæвтæ Нодар акодта Цхинвалы. Йæ курдиат æххæстæй раргом Орджоникидзейы «Спартак»-ы. Нодар стыр дæсны кæй у, уый футболуарзджытæ уайтагъд бамбæрстой. Ныхмæлæууæджы дуæртты-иу пурти уайтагъд фæмидæг кодта. Уыимæ ма, йæ адæм бауарзтой футболон фæзы йыл цæст кæй нæ хæцыд, уый тыххæй. Уыд размæбырсæг. 1969-æм азы Орджоникидзейы «Спартак» фыццаг хатт бахауд цæдисы чемпионаты уæлдæр дивизионмæ. Зæгъын хъæуы уый, æмæ Нодар Папелишвили стыр æвæрæн бахаста Цæгат Ирыстоны футболон скъола «Юность»-ы райрæзтмæ. Разамынд ын лæвæрдта къорд азты дæргъы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv