Цæгат Ирыстоны ахуырадон уагдæттæ ифтонг кæнынц нырыккон домæнтæн дзуапдæттæг кусæнгæрзтæй

«Современная школа», зæгъгæ, федералон проекты фæлгæты республикæйы ахуыргæнæндæтты арæхдæр пайда кæнынц нырыккон технологитæй. Афтæмæй, скъоладзаутæн æххуыс кæнынц сæ зонындзинæдтæ фылдæр кæнынæн æмæ цымыдисаг дæсныйæдтæ равзрынæн. Ногдзинæдтæ ныридæгæн фæзындысты цæстæй æвзæр чи уыны æмæ хъусæй æвзæр чи хъусы, уыцы сывæллæтты реабилитацион - ахуырадон центры. Фæсивæдæн фадат фæзынд дзаумæттæ хуыйын æмæ ма суанг хъæрмуатты халсартæ зайын кæнын. Фыццаг бакæсгæйæ ай у хуымæтæг скъола. Уроччытæ, контролон куыстытæ æмæ хъæлдзæг переменæтæ. Иу хицæндзинад - ныхас никуыцæй хъуысы. Ахуырдзаутæ ам кæрæдзийы æмбарынц къухтæй амонгæйæ. Се `нкъарæнтæ æмæ хъæлдзæг цаутæ кæрæдзийæн фæхай кæнынц къухзмæлдæй. Реабилитацион-ахуырадон центры ис 73 ахуырдзауы. Се ппæт дæр сты уæзхъус. Фарон федералон проект «Современная школа»-йы фæлгæты ам фæзынд ног æрмадзтæ. Ныр сабиты ахуыр кæнынц пайдаджын æмæ цымыдисаг дæсныйæдтыл. Хъæддæсныты цех. Ам хъæдæрмæгæй аразынц стъæлттæ, бандæттæ æмæ хæдзары алыхуызон мигæнæнтæ. Кълас ифтонг у æппæт хъæугæ кусæнгарзæй. Къласæн сæ фылдæр сты лæппутæ, амоны та сын фæлтæрдджын ахуыргæнæг. Фидæны сæ хъæдимæ куыст чи равзара уыдонæн уыдзæн æнцондæр. Ай та у хуыйджыты цех. Куыд æцæг ательейы ам фылдæр ис чызджытæ. Дарæскæрдæг, эскизтæ æмæ хуыйæн машинæты хъæр. Разамонæджы ныхæстæм гæсгæ йæ ахуыргæнинæгтæ цыфæнды зын хæслæвæрд дæр сараздзысты. Уый нæ, фæлæ ма ацы æрмадзы та сывæллæттæ ахуыр кæнынц хъæбæрцъаргæнæджы куысты сусæгдзинæдтæ базоныныл. Алы ахуырдзау дæр йæхæдæг æвзары зæрдæмæдзæугæ куыст. Æрмæст халсартимæ куыст æногм кæны се ппæты дæр - чызгæй, лæппуйæ. Стыр æргом аздахын хъæуы спортмæ. Сывæллæттæ сты алыхуызон турниртæ æмæ ерысты уæлахиздзаутæ. Æхсызгонæй æнтысдзинæдты тыххæй дзуры физкультурæйы ахуыргæнæг. Центры директоры ныхæстæм гæсгæ проект «Современная школа» хрзырдæм фæзынд ахуырдзауты зонындзинæдтыл. «Ацы проекты руаджы нæ хъомылгæнинæгтæн сæ авналæнтæ апарахат сты. Ныры дуджы йе нæнидзинад цудыд кæмæн у, уыдонæн куыст ссарын æнцон нæу. Алы хицæн цауæй дæр не мкусджытæ вæййынц сæрыстыр. Проект æххæстгæнгæйæ уавæр хъуамæ хуыздæрырдæм аива», - ахуырадон кусэндон «КРОЦ»-ы директор Карсанты Маринæ. Модернизацимæ ма æнхъæлмæ кæсы иу ахуырадон уагдон. Мæздæджы скъола-интернат. Ам ахуыр кæны йæ авналæнтæ цыбыр кæмæн сты 185 ахæм сывæллоны. Интернаты ис дыууæ æрмадзы: хъæдæрмæгимæ кусæн æмæ хуыйæн цехтæ. Кусæнгарз базæронд æмæ дзуапп нал дæтты нырыккон домæнтæн. Тагъд æй хъуамæ сног кæной. Фæзындзæн дзы ног фадæттæ. «Балхæдтам ног æрмадзтæ. Растдæр зæгъгæйæ та баст у къухæй кæнгæ декоративон аивадимæ. Бæстыхаймæ чи зилы ахæм кусæг. Хæрæндоны лæггадгæнæг. Ис нæм ног профиль дæр -къахыдарæсы куыст. Афтæмæй сентябры райдианæй скъола æххæст кæндзæн фæллойадон ахуырад 5 дæсныйадмæ гæсгæ», - Мæздæджы Скъола-интернаты директор Наталия Мироненко. Хæстæгдæр рæстæг проект «Современная школа»-йы фæлгæты республикæйы цалдæр скъолайы сног кæндзысты материалон-техникон бындур. Сæйраг хæс - йæ æнæниздзинады авналæнтæ цыбыр кæмæн сты уыцы сывæллæттæм фæкаст. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv