Афæдзы райдианæй хæстæ бафидыны тыххæй хъусынгæнинæгтæ æрвыст æрцыд 31 мин пайдагæнæгæй фылдæрмæ

Афæдзы райдианæй «Газпром межрегионгаз Владикавказ» хæстæ бафидыны тыххæй хъусынгæнинæгтæ арвыста 31 мин пайдагæнæгæй фылдæрмæ. 4 мин 500 хæсджынæн фæхабар кодтой, сæ нымайæнты бæрæггæныны рæстæг кæй фæуд кæны. Уый тыххæй хъусын кæны «Газпром межрегионгаз Владикавказ» -ы пресс-службæ. Январæй-февралмæ республикæйы цæрджытæй райстой 8 мин хъусынгæнинаджы. Кол-центры оператортæм сæйраг фарстатæ баст уыдысты æрдзон газ нымайæнты бæрæггæнæнтимæ æмæ сæ бахынцыны рæстæгимæ, уыимæ хæсы бæрцимæ. Центр кусы куыстуæттæн æмæ организацитæн. Специалисттæ сбæлвырд кæнынц нымайæн прибортæ раст кусынц æви нæ, цæмæй пайдагæнджытæ фидой, цы схардз кæнынц, уымæ гæсгæ. Хатгай афтæ рауайы æмæ квитанциты цы информаци вæййы, уый раст нæ вæййы. Ахæм цаутæм кол-центры кусджытæ се ’ргом здахынц æмæ сæ аиуварс кæнынц . Цæгат Ирыстоны цæрджытæ газдæттæн компанийæ хъуамæ исой аслам æмæ ахадгæ лæггæдтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv