Республикæйы культурæ æмæ аивады раззагдæр специалисттæ фæсивæдæн аразынц дæсныйадæвдисæн ахуыртæ

Героикон зарджыты кад раздахын. Уый у "Детям детей", зæгъгæ, проекты сæйраг нысан. Æрæджы йæ куыст райдыдта Октябрскæйы. 3 боны дæргъы цæрджытæн араздзысты презентацитимæ лекцитæ, республикæйы культурæ æмæ аивады раззагдæр специалисттæй та дæсныйадæвдисæн ахуыртæ. Сæ фæлтæрддзинадæй фæсивæдæн фæхай кæндзысты Дзанайты Ольгæ, Хъæцмæзты Владимир, Къабойты Николай. Афтæ кæстæрты цæттæ кæнынц зарæджы егъау фестивальмæ. Ацæудзæн декабры æмæ аххæсдзæн æппæт Горæтгæрон районыл. Мадзал хуыздæр разынд грантон æркасты æмæ арæзт цæуы культурон хъæппæристы Президенты фонды æххуысæй.