Тускъаты Таймураз бæрæг кæны социалон нысаниуæг кæмæн ис, уыцы объектты арæзтад

Абон Цæгат Ирыстоны хицауады сæрдар Тускъаты Таймураз бæрæг кæны социалон нысаниуæг кæмæн ис, уыцы объектты арæзтад. Тускъаты Таймураз Горæтгæрон районы сарæзта æмбырд. Йæ сæйраг нысан- социалон объектты арæзтад. Уæлдай æргом аздæхтой амбулатори æмæ фелшырон-акушерон пункты арæзтадмæ. Тускъаты Таймураз федта цалдæр объекты. Пъланмæ гæсгæ фыццаг национ музей. Уым цалцæг кæнынц бæстыхай. Арæзтадон куыстуаты куыд зæгъынц, афтæмæй æппæт куыстытæ дæр фæуыдзысты афæдзы кæронмæ. Премьер ма бабæрæг кодта Тагъд æххуысы клиникон рынчындон. ДЗæбæхгæнæндоны аразынц æртæ ног корпусы. Гастроэнтерологи æмæ сылгоймæгты низтæ дзæбæхгæнæн хайадтæ. Уыимæ ма морг дæр. Ам дæр куыстытæ баххæст кæндзысты 2019 азы кæронмæ. Дарддæр иннæ объекттæ Кадыровы æмæ Джыккайы фырты номыл уынгты скъолатæ. Алкæм дæр дзы бынат уыдзæн 550 сывæллонæн. Уым арæзтадон куыстытæ нырма ныр райдыдтой. Дзæуджыхъæуккаг уынгыл цы скъола аразынц, уым та куыстытæ сæ тæмæны бацыдысты. Уый республикæйы уыдзæн æппæты стырдæр скъола. Ахуыр дзы кæндзысты 1100 сабийы. Куыстытæ баххæст кæндзысты ацы азы кæронмæ. Республикæйы ахуырад æмæ наукæйы министр Людмила Башаринæйы ныхæстæм гæсгæ ацы ахуыргæнæндоны руаджы фæафтиддæр кæндзысты сыхаг районты скъолатæ. Людмила Башарина, РЦИ-Аланийы ахуырад æмæ наукæйы министр: ««Диалог», зæгъгæ, скъолайы чи ахуыр кæны ныртæккæ, уыдонæй хъауджыдæр ма ног бæстыхайы ахуыр кæнынæн фадат уыдзæн микрорайоны цы сывæллæттæ ис, уыдонæн дæр. Уый руаджы, зæрдæ дарæм, Дзæуджыхъæуы 46-æм скъолайы уаргъ кæй фенцондæр уыдзæн, ууыл. уый бæрц сывæллæттæ дзы ис æмæ ацы аз 46-æм скъолайы фæзынд раст 10 фыццаг къласы. Уый тынг бирæ у. Уæлæмхасæн скъола куы нæ фæзына уæд 46-æм скъолайæн йæ куысты рæстæг аивын хъæудзæн. Фæзындзæн дзы цалдæр сменæйы.  Уымæн та уæвæн нæй. Ног арæзт скъолайы руаджы 46-æм скъола дæр иу фæлтæр æмæ иу фæткмæ гæсгæ дарддæр йæ куыст кæндзæн. Уымæй уæлдай ма куыд зонæм афтæмæй гимнази «Диалог» у республикæйы раззагдæр ахуырадон уагдæттæй иу». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv