Дзæуджыхъæуы байгом кодтой Супьяновты бинонты аивадон проект

Иуырдыгæй - нывгæнæджы сæрмагонд хицæндзинæдтæ, иннæрдыгæй - æгас бинонты иумæйаг сфæлдысталдон архайд. Пушкины номыл сурæтгæнæн аивады паддзахадон музейы Цæгат Кавказы филиалы байгом аивадон проект «Зæрдылдарæн аргъæуттæ», зæгъгæ. Равдыст æмæ культурон мадзæлттæ æвдисынц Супьяновты бинонты сфæлдыстад. Проект уал фæнд кодтой Дагестаны адæмон нывгæнæг Ибрагим-Халил Супьяновы сæрмагонд экспозицийы хуызы саразын. Фæлæ йыл куы куыстой, уæд райрæзт курдиатджын фыд, мад, фырт æмæ чызджы иумæйаг равдысты онг. Сæ нывтæ иу тыгъдады фыццаг хатт æрбынат кодтой. Супьяновы сфæлдыстады ахсджиаг хай - театралон архайд. У зындгонд оперæ «Къоста»-йы сценограф. Равдыст бабæрæг кæнæн ис 31-æм январы онг. Музейы уазджытæ фендзысты, Дагестаны рагон аивады æууæлтæ, зæгъæм, змис, ныхасæн, лак æмæ цементы руаджы куыд ис равдисæн, уый.